Доделени новогодишни пакетчиња за најмладите од градинките

Денес  Градоначалникот Тони Заткоски беше во посета на Центарот за ран детски развој ЈАГОТКА во населеното место Обршани, каде им подели новогодишни пакетчиња на најмалите дечиња кои го посетуваат центарот. Дечињата за прв пат од отворањето на Центарот имаа сопствена приредба каде се претставија со пригодна програма. Градоначалникот освен новогодишните пакетчиња на децата им подари едукативни играчки донација од ресторан Бигор од село Вруток, кои дополнително ќе придонесат за развој на физичките и менталните способности на децата. Најмалите заедно со своите родители, покрај приредбата имаа подготвено и новогодишни  изработки како и пригодни подароци за Градоначалникот.

Исто така  Градоначалникот ја посети градинката Весело Штркче каде заедно со Дедо Мраз им доделија новогодишни пакетчиња на дечињата. Децата имаа подготвено пригодна новогодишна програма каде се претставија со песнички за Новата година.

Градоначалникот во својот говор кажа дека се продолжуваме со проекти за подобрување на квалитетот на работата во образованието во сите населени места, посебно внимание секогаш им се посветува на најмалите, и на сите присутни им ја честита Новата година посакувајќи им многу здравје и безгрижно детство.