Кривогаштани Единица на локална самоуправа
На 04.11. градинката Весело Штркче од Кривогаштани ја прослави десет годишнината од постоењето. Се започна со една идеја да се обезбеди простор за едукација и престој на најмалите жители од нашата општина. Со голема љубов, посветеност и големо внимание воспитувачите и негователите од нашата градинка, во изминативе години испратија девет генерации на дечиња.
На самиот настан присуствуваше Градоначалникот Николче Мисковски со делегација од општината, како и голем број на гости и дечиња кои веќе биле дел од градинката.
Кловнот, шарените балони и големата торта беа уште поголема причина да блика насмевка на лицата од децата.
И во иднина ќе се продолжи со грижата и едукацијата на најмалите како и да создаваме безбедно и инспиративно опкружување за нашите деца.
