БАДНИКОВА ПОВОРКА 2025

Не постои поголема радост од детскиот глас кој го слави Христовото доаѓање! Многу ми е мило што и оваа година, во Кривогаштани, ги продолжуваме традициите и ги негуваме вистинските вредности.

Xристијанската инспирација ги поттикна најмладите да учествуваат во детската бадникова поворка, која е прекрасен предвесник на утрешниот голем празник – Рождеството Христово, Божиќ.

Поворката ја предводеа коледари кои ја носеа иконата на Богородица и Исус и пееја божиќни песни со симболични ѕвезди во рацете.

Градоначалникот на Општина Кривогаштани, Николче Мискоски, во знак на благодарност и поддршка за учеството на дечињата, им додели бадникови поклончиња, со желби за добро здравје, радост и благосостојба. Овие подароци беа мал знак на почит и љубов за нивната активност и учество во празничните настани.

Бадниковата поворка во Кривогаштани беше не само момент на радост, туку и потсетник на вредностите на заедништвото, љубовта и топлината што Божиќ ја носи во секое срце.

Нека Бадник донесе благослов и радост во вашите домови! Среќен празник!