Кривогаштани Единица на локална самоуправа
Учениците од основните училишта Јонче Смугрески од Обршани и Манчу Матак од Кривогаштани учествуваа во детскиот дел од новогодишната програма на општина Кривогаштани каде се претставија со песнички, хорско пеење, драма и ора со што приредија одлична забава за своите помали другарчиња и ги израдуваа своите родители кои присуствуваа на настанот. Двете основни училишта секоја година се вклучени во новогодишната програма која ја организира локалната самоуправа со цел да им овозможи да учениците да го покажат знаењето и вештините кои ги стекнале во текот на целата учебна година и со игра и песна да се испрати старата и да се дочека новата година.
