Потпишан меморандум за соработка помеѓу Општина Кривогаштани и Општина Лерин

Денес во просториите на општина Кривогаштани Градоначалникот Николче Мискоски и Градоначалникот на општина Лерин остварија средба за заедничка иницијатива за прекугранична соработка за проекти од европските фондови. На средбата беше потпишан Меморандум за соработка помеѓу двете општини за размена на знаења и искуства промоција и продлабочување на меѓусебните односи, како и соработка од областите од заеднички интерес како економија, земјоделство, социјални услуги, образование, спорт, култура а особено од областа на животната средина и информациската технологија.