Во присуство на жителита на населеното место Врбјани , градоначалникот на општина Кривогаштани Рубинчо Шефтероски, свечено ја пушти во употреба новата улица во Врбјани.
Асфалтиран е еден од клучните краци на улицата Пелагониска во Врбјани, кој долготрајно ќе ги реши барањата на жителите на ова населено место, кои се соочуваа со низа потешкотии во лоши временски услови, проблеми кои сега се веќе минато.
Улицата е во должина од 342 метри, за чија реализација потребни беа околу 2.200.000 денари, средства обезбедени од буџетот на самата општина.
Исто така свечената лента се сечеше и за кракот на улицата Македонски просветители во Кривогаштани, улица со должина од 263 метри со вредност од 1.700.000 денари.