Во спортската сала се одржа четврт-финален натпревар во Државното младинско првенство на РМ

Општина Кривогаштани во новоизградената спортска сала  на 9 април ( недела ) беше домаќин на возвратниот четврт-финален натпревар во Државното младинско првенство на РМ.  во кој се сретнаа екипите на ,,ОК Синалко” од Крушево и ,, ОК Пробиштип” од Пробиштип.

Натпреварот се одигра пред полна сала на задоволство на двете екипи, а и на посетителите  кои имаа можност да уживаат во надигрувањето на двете екипи.

Во интересен и неизвесен натпревар победата ја однесе ,,ОК Синалко” од Крушево со резултат 3:0 во сетови со што се пласираа во полуфиналето од  Државното првенство и  борба за медал.

Им посакуваме спортска среќа и успех во завршните натпревари.