СЕ ОДРЖА ЧЕТВРТАТА ФОРУМСКА СЕСИЈА ВО ОПШТИНА КРИВОГАШТАНИ

Синоќа во спортската сала на ОУ Манчу Матак во Кривогаштани се одржа четвртата форумска сесија од програмата форуми во заедницата, каде се заокружи една целина со сите предлози за реализација на повеќе проекти. Се она што досега беше сработено на сите четири форумски сесии, се она што го предложија жителите на општината во наредната петта сесија ќе биде ставено на гласање, односно секој присутен граѓанин кој што присуствувал на најмалку три форумски сесии има право на глас, глас со кој ќе даде приоритет на реализација на одреден проект во рамките на општина Кривогаштани, со што ќе се заокружи една целина од форумскиот процес која веќе на шестата и последна сесија која ќе се одржи наредната 2016 година ќе биде разгледан и оценет во зависност од се она што е реализирано а предвидено низ целокупниот форумски процес кој го реализираше општината.