ОПШТИНА КРИВОГАШТАНИ ДОДЕЛИ СПОРТСКА ОПРЕМА НА ДВЕТЕ ОСНОВНИ УЧИЛИШТА

Денес Градоначалникот на Општина Кривогаштани Тони Заткоски ги посети учениците на двете основни училишта во општина Кривогаштани доделувајќи им спортска опрема во топки и дресови. Општината со овај потег само го потврди безрезервното залагање за најмладите односно иднината на самата општина. Учениците ќе имаат прилика користејќи ги дресовите и топките да го развиваат својот натпреварувачки и спортски дух и одржувајќи здраво тело и здрав дух. Покрај тоа во моментов во ОУ Манчу Матак во тек е изградба на спортска сала која се очекува да биде готова во текот на идната година, и упорно се работи на изнајдување на средства за изградба на спортска сала во ОУ Јонче Смугрески во Обршани. Општината на чело со градоначалникот Тони Заткоски и понатаму ќе продолжи да го помага образованието и овозможувањето на услови за непречен развој на иднината на општината.