Денес, заедно со општините од Пелагонискиот и Југозападниот регион, официјално го формиравме Меѓуопштинскиот одбор за управување со отпад (МОУО) – современ европски модел кој ќе обезбеди поефикасни услуги, помалку депонии и почиста животна средина за сите граѓани.
МОУО ќе овозможи координирано планирање, транспарентно носење одлуки и силна регионална соработка во справувањето со отпадот. Ова е значаен исчекор за унапредување на јавните услуги и заштита на природата во нашиот регион.
Настанот беше организиран од Министерството за животна средина и просторно планирање, во партнерство со Министерството за локална самоуправа и меѓународните организации SALAR International, SIDA и Швајцарската конфедерација. 
Благодарни сме за нивната континуирана поддршка и посветено ќе работиме за чиста, безбедна и зелена Општина Кривогаштани! 
